لاہور(نیوزڈیسک) پاکستان تحریک انصاف کے مرکزی رہنما ء عبدالعلیم خان نے اسلام آباد اور لاہور کے جلسوں میں خواتین سے بد سلو کی کرنے والوں کے خلاف فوری کاروائی کا مطالبہ کرتے ہوئے کہا ہے کہ پی ٹی آئی کی طرف سے تحریری درخواستوں کے باوجود اسلام آبا دمیں وفاقی اور لاہور میں پنجاب حکومت اپنے فرائض کی انجام دہی میں ناکام رہی اگر حکومت تھوڑا سا بھی سنجیدہ ہوتی تو اب تک کیو ں ایک بھی ملز م کو نہیں پکڑ ا گیا ؟لاہور کے جلسہ کے بعد ہونے والے افسوس ناک واقعہ کی ذمہ دار پولیس ہے جس نے آخری وقت پر لیڈیز انکلوژرکی جگہ تبدیل کرا دی عبدالعلیم خان نے میڈیا سے گفتگو کرتے ہوئے کہا کہ میری ہدایت پر پی ٹی آئی کی طرف سے گذشتہ روز قانونی کاروائی کیلئے باضابطہ رابطہ کیا گیا لیکن 24گھنٹے گزر جانے کے باوجو د ہماری درخواست پر کوئی بھی کاروائی نہ ہونا پنجاب حکومت کی کوتاہی ہے ۔عبدالعلیم خان نے مطالبہ کیا ہے کہ حکومت خواتین کے ساتھ ناروا سلوک کرنے والوں کو فوری طور پر کیفر کردار تک پہنچائے اور سازشی عناصر کو بے نقاب کرے تاکہ آئیندہ یہ سلسلہ بند ہو ۔وزیر اعظم اپنے جذبات پر قابو رکھیں اور اپوزیشن پر غصہ اتارنے کی بجائے ٹھنڈے دل و دماغ سے ہماری طرف سے دیے گئے ٹی او آرز پر غور فرمائیں ،انہوں نے کہا کہ نواز لیگ کی پانامہ لیکس پر اختیار کردہ بھونڈی پالیسی سے پاکستان کی عالمی سطح پر جگ ھنسا ئی ہوئی ہے ،دوسروں پر کیچڑ اچھال کر خود کو معصوم ثابت کرنے کی ناکام کوشش کی گئی ہے لیکن آخرکار شریف فیملی کو جواب دہ ہونا پڑے گا ۔