اسلام آباد (نیوزڈیسک)وفاقی وزیراطلاعات ونشریات پرویزرشیدنے کہاہے کہ ہم نے جامع ٹی اوآربنائے ٗکمیشن پروقت کی پابندی نہیں لگائی ٗکمیشن چاہے توتین منٹ میں کارروائی مکمل کرلے ۔نجی ٹی وی سے گفتگوکرتے ہوئے پرویزرشیدنے کہا کہ حکومت نے پانامہ لیکس کی تحقیقات کیلئے جامع ٹی اوآرزبنائے ہیں ٗہم نے کمیشن پروقت کی پابندی نہیں لگائی اورکمیشن پرچھوڑدیاہے کہ وہ مناسب وقت میں فیصلہ کرے ۔انہوں نے کہاکہ اپوزیشن کمیشن کوڈکٹیٹ کرسکتی ہے کمیشن جوبھی سوال پوچھے گااس کاجواب اسے مل جائے گا ٗکمیشن چاہئے توتین منٹ میں اپناکام مکمل کرلے میں کمیشن کوڈکٹیٹ نہیں کرسکتاکہ اتنے دن میں کام مکمل کرلے اورہم توچاہیں کہ تین منٹ میں جان چھوٹ جائے کیونکہ تمام الزامات جھوٹ ہیں ۔انہوں نے کہاکہ یہ نہیں ہوسکتاکہ کمیشن ہم سے سوال کرے اوردوسروں سے نہ کرے ،تحقیقات سب کی ہوں گی ،جن کے نام سامنے آئے ہیں ،کمیشن اگرکسی سے بیان حلفی مانگے تووہ کیسے انکارکرسکتاہے۔