لاہور( نیوز ڈیسک)وزیراعظم اور سینیٹ میں قائد حزب اختلاف سینیٹر اعتزاز احسن کے بیرون ملک بینک اکاونٹس کی تفصیلات ریکارڈ پر لانے کے لیے لاہور ہائیکورٹ سے رجوع کر لیا گیا ۔بیرسٹر جاوید اقبال جعفری کی طرف سے لاہور ہائیکورٹ میں دائر درخواست میں کہا گیا کہ دونوں سیاسی رہنماؤں کی بیرون اثاثوں کی تفصیلات جاننے اور ان کو ریکارڈ پر لانے کے لیے کے لیے بیرون ممالک کو خط لکھے جائیں تاکہ یہ معلوم ہو سکے کہ نواز شریف اور سینیٹر اعتزاز احسن کے بیرون ملک کتنے اثاثے ہیں۔ درخواست میں بتایا گیا کہآئین کے آرٹیکل 2 اے اور 5کے علاوہ تعزیرات پاکستان کی دفعہ پانچ کے تحت خط لکھا جا سکتا ہے اور اس لیے انہیں دفعات کے مدنظر رکھتے ہوئے لکھنے کا حکم دیا جائے۔