اسلام آباد(نیو زڈیسک) ایوان صدر نے ان اطلاعات کو بالکل غلط اور بے بنیاد قرار دیا ہے کہ ایوان صدر میں ڈیڑھ ہزار سے زائد ملازمین کام کر رہے ہیں۔ اس سلسلے میں مختلف اخبارات و جرائد میں شا ئع ہونے والی باتوں کا حقیقت سے کوئی تعلق نہیں۔ترجمان نے بتایا کہ ایوان صدر کے پبلک اور پرسنل سیکریٹریٹ میں ملازمین کی کل تعداد823 ہے۔ انھوں نے بتایا کہ گریڈ ایک سے چار تک کے ملازمین گنجائش سے کسی قدر زیادہ ہیں لیکن ان کی آمدنی چونکہ انتہائی قلیل ہے اس لیے انھیں فارغ نہیں کیا گیا بلکہ جن شعبوں میں ملازمین کم ہیں‘ وہاں ان سے کام لیا جا رہا ہے۔