نئی دہلی (نیو زڈیسک) بھارت نے پاکستان کیساتھ اپنی 2900کلومیٹر طویل سرحد پر الیکٹرانک سسٹم کی تنصیب کیلئے 29ارب روپے کے فنڈز کی منظوری دیدی ۔سی آئی بی ایم ایس نامی منصوبے کے تحت پاکستان سے ملحق سرحد سمیت جموں میں 5.5کلو میٹر پٹی پر پائلٹ پراجیکٹس پر پہلے ہی کام کا آغاز کرچکا ہے نئے جدید الیکٹرانک سسٹم کے تحت طویل سرحد پر سی سی ٹی وی کیمرے ،تھرمل امیج اور نائٹ ویژن آلات سمیت میدان جنگ میں نگرانی کرنیوالے ریڈار ،لیزر ،بیرئیر نصب کرنے کا منصوبہ حتمی شکل اختیار کررہا ہے ’’جریدے ‘‘نے حالیہ اشاعت میں انکشاف کیا ہے کہ بھارت سرحدی علاقوں میں 5درجاتی حصار قائم کرنے کی بھی منظوری دی ہے جس سے سرحد کی 24گھنٹے نگرانی ممکن ہو سکے گی ۔