لاہور ( نیوزڈیسک) پنجاب حکومت نے نجی اسکولوں کی چور بازاری کا حل ڈھونڈتے ہوئے 13سینٹر آف ایکسیلینس بنانے کا فیصلہ کر لیا ۔بتایا گیا ہے کہ پنجاب حکومت نے لاہور میں 13سینٹر آف ایکسیلینس بنانے کا فیصلہ کیا گیا ہے، سینٹر آف ایکسیلینس لاہورکے سرکاری اسکولوں میں قائم کئے جائیں گے، سرکاری اسکولوں میں قائم ان سینٹر آف ایکسیلینس اور نجی تعلیمی اداروں کے معیار میں کوئی فرق نہیں ہوگا اور ان مراکز میں فیسیں بھی سرکاری اسکول کے مساوی ہوں گی۔پنجاب حکومت کی جانب سے یہ بھی واضح کیا گیا ہے کہ سینٹر آف ایکسیلینس میں مختلف مضامین کے ماہر، ماہرین نفسیات ، لائبریریاں اور جدید ٹیکنالوجی کی سہولیات میسر کی جائیں گی۔