اسلام آباد (نیوزڈیسک) پاکستان تحریک انصاف کے رہنماء شاہ محمود قریشی نے کہا ہے کہ آرمی چیف کا بیان انتہائی اہمیت کا حامل ہے،ہر جماعت نے کمیشن کی سربراہی پر حکومتی موقف مسترد کر دیا ہے۔میڈیا سے گفتگو کرتے ہوئے انہوں نے کہاکہ پاناما لیکس کی تحقیقات کے لیے بنایا جانیوالے والا کمیشن کسی بھی سابق جج کی سربراہی میں قبول نہیں ہے ،تمام اپوزیشن جماعتوں نے کمیشن کی سربراہی کے حوالے سے حکومتی موقف مسترد کر دیا ہے۔انہوں نے کہاکہ احتساب اور کرپشن کے خاتمے کے حوالے سے آرمی چیف جنرل راحیل شریف کا بیان انتہائی اہمیت کا حامل ہے۔