کابل(نیوزڈیسک) افغان چیف ایگزیکٹوڈاکٹر عبداللہ عبداللہ نے کابل میں خودکش حملے کے بعد پاکستان کا دورہ ملتویٰ کردیا،واضح رہے کہ افغان چیف ایگزیکٹوعبداللہ عبداللہ نے مئی کے پہلے ہفتے میں پاکستان کا دورہ کرنا تھا،منگل کو ایک بیان میں افغان چیف ایگزیکٹوڈاکٹر عبداللہ کے ترجمان جاوید فیصل نے کہاکہ کابل دھماکے کے ابتدئی شواہد کے بعد ڈاکٹر عبداللہ نے پاکستان کا دورہ ملتویٰ کرنے کا فیصلہ کیا ہے ،یادرہے کہ وزیراعظم نواز شریف نے ڈاکٹرعبداللہ عبداللہ کو پاکستان کا دورہ کرنے کی دعوت دی تھی جو کہ اگلے ماہ مئی کی دواورتین تاریخ کو ہونا تھا،ڈاکٹر عبداللہ عبداللہ کے دفتر نے بھی دورہ ملتویٰ کرنے کی تصدیق کی ہے ۔