عبدالحکیم(نیوز ڈیسک) پیپلز پارٹی اور حکمران جماعت میں لندن خفیہ ملاقات کے بعد نیا اعلامیہ جاری ہوگا چور کو چور تحفظ دیگا پاکستان میں غریب اور امیر کیلئے علیحدہ علیحدہ قانون ہیں ان خیالات کا اظہار ممبر قومی اسمبلی جمشید احمد خان دستی نے کوٹ اسلام میں حلف وفاداری کی تقریب میں خطاب کرتے ہوئے کیا انھوں نے کہا کہ پانامہ پیپر پر بات بہت ہو چکی اب احتساب کا عمل شروع ہونا چاہئیے ہمارے ملک کا عجب قانون ہے کہ جنرل کرپشن کرتا ہے تو اس کا حتساب اس کا اپنا ادارہ کرتا ہے جج کرپشن کرتا ہے اسکا احتساب عدالت کرتی ہے پولیس میں اگر کوئی رشوت لیتے پکڑا جاتا ہے تو اسکا کیس اینٹی کرپشن کا محکمہ ہی کرتا ہے اب اگر سیاستدان نے کرپشن کی ہے تو اسکا احتساب سیاستدانوں میں جو ایماندار لوگ ہیں انکی کمیٹی بنا کر نواز شریف کا احتساب کیا جائے اور کرپشن ثابت ہونے پر سرعام پھانسی پر لٹکایا جائے اگر ایک بار ایسا ہو جائے تو آئندہ کوئی کرپشن نہیں کریگا انھوں نے کہا کہ ملک میں ایسا کوئی ادارہ نہیں جس میں کالی بھیڑیں موجود نہ ہوں جج ہے تو انصاف نہیں ملتا پولیس ہے تو غریب کا مسئلہ حل نہیں ہوتا محکمہ انکم ٹیکس ہے تو اسکے اہلکار صنعتکاروں اور تاجروں کو ٹیکس بچانے کیلئے راستے تلاش کر کے دیتے ہیں اس طرح ٹیکس چوری کا موجب محکمہ خود ہے انھوں نے کہا کہ پانامہ ہنگامہ پر پیپلز پارٹی اور حکمران جماعت کی مکار قیادت نے سر جوڑ لئے ہیں مشروط ڈیل کے بعد معاملہ ایسے ختم ہو جائیگا جیسے کبھی شروع ہی نہیں ہوا کرپٹ حکمرانوں کی ہیبت کا عالم یہ ہے کہ کوئی ریٹائرڈ جج کمیشن میں شامل ہونے کیلئے تیار نہیں ایک سوال کے جواب میں جمشید دستی نے صحافیوں سے مخاطب ہوتے ہوئے کہا کہ آپ جتنی مرضی کرپشن لوٹ مار،ظلم،جبر کی نشاندہی کر لیں اس پر کوئی عملدرآمد نہیں ہو گا کیونکہ بیور و کریسی ہو سیاستدان ہو یا جج اعلیٰ ایوانوں میں تو کرپٹ مافیا کا قبضہ ہے انھوں نے کہا کہ ملک میں ایماندار قیادت کی ضرورت ہے یہ تبدیلی کب آئیگی خدا بہتر جانتا ہے مگر اس کا مطلب یہ نہیں کہ آپ کرپشن جابر جاگیر دار کے ظلم کی نشاندہی کرنا چھوڑ دیں آپ اپنا مشن جاری رکھیں کیونکہ یہ ایمان کا اعلیٰ درجہ ہے جمشید دستی نے مزید کہا کہ میں ایک بیلدار کا بیٹا ہوں اور مزدور ہوں تھوڑی سی کوشش کے بعد اس مقام تک پہنچا ہوں تعلیمی دور میں صحافت سے اپنی زندگی کا آغاذ کیا مجھے امید ہے کہ آپ کو بھی کامیابی ملے گی اس موقع پر عزیز خان پنیاں ایڈووکیٹ نے کوٹ اسلام پر یس کلب کے صدر افتخار احمد اور جنرل سیکرٹری راشد محمود سمیت دیگر عہدیداران و ممبران سے وفاداری کا حلف لیا۔