سرگودھا(نیوزڈیسک)امریکہ میں پاکستانی طالبعلم نے دنیا کے سولہ اہم ممالک کے طلباء کو پیچھے چھوڑ دیا،بڑی کامیابی حاصل،سرگودھا کی تحصیل کوٹ مومن کے سرکاری سکول کے طالب علم نے یونیورسٹی آف ساؤتھ ویلز آسٹریلیا کے زیر اہتمام ریاضی کے عالمی مقابلے میں پہلی پوزیشن لے کر گولڈ میڈل حاصل کر لیا ہے۔ سرگودھا کی تحصیل کوٹ مومن کے بھابرہ ہائر سکینڈری گورنمنٹ سکول میں زیر تعلیم ساتویں جماعت کے طالب علم ابو حفص نے ریاضی کے امتحان میں دنیا بھر کے ذہین طالب علموں کو پیچھے چھوڑ دیا۔ یونیورسٹی آف ساؤتھ ویلز آسٹریلیا کے زیر اہتمام ریاضی کے مقابلے ہوئے جس میں 16 ممالک کے طالب علموں نے حصہ لیا۔ پاکستان بھر سے مقابلے میں حصہ لینے والے 100 طلبہ میں سے بھابڑہ ہائر سکینڈری سکول کے دو طالب علم بھی شامل تھے۔ ریاضی کے عالمی مقابلے میں ابو حفص نے پہلی پوزیشن لے کر نہ صرف اپنے سکول بلکہ ملک کا نام روشن کر دیا۔