روم (نیوزڈیسک)اٹلی میں کولو بیری نامی ایک ایسا گاﺅں ہے جس کا نام لیتے ہوئے بھی لوگ کانپتے ہیں۔اس گاﺅں کے بارے میں کئی کہانیاں مشہور ہیںجس کی وجہ سے اٹلی کے باشندوں میں اس قدر خوف بیٹھ گیاہے کہ وہ اس کا نام لینا بھی منحوس سمجھتے ہیں۔مشہور ہے کہ بیسویں صدی میں ایک جادوگرنی اور ایک وکیل اس گاﺅں کی نحوست کی وجہ بنے تھے۔ایک دولت مند وکیل اس گاﺅں کا رہائشی تھا جس نے اپنی زندگی میں کبھی کوئی مقدمہ ہارا نہیں تھا اس کی وجہ سے اس کے کئی دشمن بن گئے تھے۔ایک دن وکیل نے دوران گفتگو کہاکہ اگر میں جھوٹ بول رہا ہوں تو یہ فانوس گر جائے۔اس کے یہ الفاظ ادا کرنے کیساتھ ہی چھت پر لٹکا فانوس ٹوٹ کر گر گیا۔اگر چہ اس واقعہ میں کوئی زخمی نہیں ہوا لیکن اس کے بعد سے لوگ اس وکیل سے ڈرنے لگے۔
کہاجاتاہے کہ اسی گاﺅں میں ایک خاتون رہتی تھی جسے لوگ جادوگرنی سمجھتے تھے ،اس جادوگرنی کی پوتی ایلیناآج بھی زندہ ہے۔اس کا کہناہے کہ اس کی دادی کوئی جادوگرنی نہیں تھی ، لوگوں نے اس گاﺅں کے واقعات کو ان کیساتھ خواہ مخواہ جوڑدیاہے۔اگر چہ ایسے ہی کچھ واقعات کی وجہ سے یہ گاﺅں منحوس سمجھا جاتاہے لیکن یہاں آنے والے سیاح لاکھوں کی تعدادمیں ہوتے ہیں۔یہاں ہرسال بھوتو ں کا ایک تہوار بھی ہوتاہے۔