اسلام آباد (نیوزڈیسک)ترکی کے وزیر اعظم نے معمار سنان کی کھوپڑی کی گمشدگی کی تحقیق کرنے کا حکم دیا ہے۔ معمار سنان نے سلطنتِ عثمانیہ کی کئی مشہور عمارتیں ڈیزائن کی تھیں۔16ویں صدی کے معمار سنان کا مقبرہ استنبول میں سلیمان مسجد کے نزدیک واقع تھا۔ انھوں نے ہی ان دونوں عمارتوں کے نقشے بنائے تھے۔اخبار صباح کے مطابق سنہ 1935 میں مورخین کے ایک گروہ نے ان کی کھوپڑی کو تحقیق کے لیے نکال لیا گیا تھا لیکن آج تک یہ نہیں پتا چلا کہ اس کو واپس کیوں نہیں رکھا گیا۔اب وزیر اعظم احمد داو¿د اوغلو نے فیصلہ کیا ہے کہ وہ اس کھوپڑی کو ڈھونڈ کر ہی رہیں گے۔احمد داو¿د اوغلو نے سلیمان مسجد کے ایک دورے کے دوران کہا کہ ’اس کھوپڑی کا کھوج لگانے کے لیے اپنے تمام تر وسائل اور طریقے استعال کریں گے جیسے کہ ڈی این اے کا معائنہ۔ ان کی یاد میں اس ’شرمناک واقعہ‘ کو بھول جانے کے لیے یہ بہت ضروری ہے۔ سنان نے ہمارے لیے ثقافت زبان اور اقدار کو یکجا کیا اور ہم ان کے جسم کو بھی محفوظ نہ رکھ سکے‘۔حابرلر اخبار کے مطابق اس کھوپڑی کی گمشدگی ملک میں قوم پرستی اور نسل پرستی میں اضافہ کے زمانے میں ہوئی۔خیال ہے کہ سائنسدانوں نے ان کی عظیم ذہانت کو ماپنے کے لیے ان کی کھوپڑی پر تحقیق کی تھی۔
داو¿د اوغلو کا کہنا ہے کہ اس کھوپڑی کی گمشدگی استنبول میں عمارتوں کے موجودہ تباہ کن پس منظر کے مترادف ہے۔ ان کا کہنا تھا کہ آئندہ کوئی بھی وزیر مملکت کسی ایسی عمارت کی تعمیرکی منظوری نہیں دے گا جو شہر کی قدرتی اور تاریخی خوبصورتی کو تباہ کرے۔ان کا کہنا تھا ’ اگر ہم نے سنان سے کچھ سیکھا ہوتا تو اج ہم ان بد صورت عمارتوں کی منظوری نہ دیتے‘۔