لاہور(نیوزڈیسک)ینگ ڈاکٹرز ایسوسی ایشن نے ون ٹائم اپ گریڈیشن اور تنخواہوں میں اضافے کے لیے 13اپریل بروز بدھ کو پنجاب بھر میں سٹرکیں بلاک کر کے احتجاج کریں گے ۔اسی طرز کا احتجاج اکیس اپریل کو لاہور سمیت پنجاب بھرمیں احتجاج کرتے ہوئے اہم شاہراہیں بندکردیں گے۔ینگ ڈاکٹرز ایسوسی ایشن کے ترجمان ڈاکٹر خرم شہزاد کا کہنا ہے کہ حکومت دیگر ملازمین کے طرح ڈاکٹروں کو بھی ون ٹائم اپ گریڈیشن دے اور اپنے وعدے کے مطابق تنخواہوں میں اضافے کرئے ۔ مزید برآں ہسپتالوں کی سیکورٹی کو بہتر کیا جائے اور ادویات کی مفت فراہمی کویقینی بنایا جائے۔انہو ں نے کہا کہ لاہور سمیت پنجاب میں 13 اور21 اپریل کو بھرپور احتجاج کرتے ہوئے اہم شاہراہیں بند کی جائیں گی حکومت نے احتجاج کا نوٹس نہ لیا تو نقصان کی خود ذمہ دار ہوگی۔