کراچی(این این آئی)تحریک انصاف کے سربراہ عمران خان کی جانب سے پی ٹی وی پر خطاب کے مطالبے پر سیاسی میدان میں ہلچل مچ گئی ہے۔ پاکستان پیپلز پارٹی کے چیئرمین بلاول بھٹو زرداری نے سماجی رابطے کی ویب سائٹ ٹوئیٹرپراپنے ٹویٹ پیغام میں عمران خان کے سرکاری ٹی وی پر خطاب کے مطالبے کی مخالفت کرتے ہوئے کہاہے کہ قومی اسمبلی میں حزب اختلاف خورشید شاہ ہیں تو پھر تحریک انصاف کے سربراہ کس حیثیت میں خطاب کریں گے۔ واضح رہے اپوزیشن لیڈر خورشید شاہ نے عمران خان کے مطالبے کو جائز قرار دیتے ہوئے کہا تھا پی ٹی وی پر اپوزیشن رہنماؤں کی تقریر بھی براہ راست دکھائی جائے۔