اسلام آباد/لاہور( این این آئی) تحریک انصاف کے الیکشن کمیشن نے انٹرا پارٹی انتخابات کا شیڈول جاری کر دیا۔ ترجما ن کے مطابق چیئر مین کے عہدے کیلئے 5 جون کو انتخاب منعقد کروانے کا فیصلہ کیا گیا ہے ۔چیئرمین تحریک انصاف کے عہدے کیلئے کاغذات نامزدگی 25 اور 26 مئی کو جمع کروائے جاسکیں گے۔صوبائی صدور کیلئے پولنگ 4 جون کو کروائی جائیگی۔تحصیل اور ضلعی صدور کیلئے ووٹنگ بالترتیب یکم اور دو جون کو کروائی جائے گی۔اسلام آباد: الیکشن کمیشن 6 جون کو تمام سطحات کے نتائج کا باضابطہ اعلان کرے گاترجمان کے مطابق رکنیت سازی مہم 15 اپریل کی رات 12 بجے ختم ہو جائے گی۔