اسلام آباد (نیوزڈیسک)ڈی چوک جلسہ ،ایسا فیصلہ کرلیاگیا جو کسی کے وہم و گمان میں بھی نہ ہوگا،بدترین صورتحال کاخدشہ،دھڑادھڑ گرفتاریوں کا فیصلہ،اسلام آباد کے ڈی چوک میں پاکستان تحریک انصاف کا جلسہ روکنے کیلئے انتظامیہ اور پولیس نے بھی حکمت عملی تیار کر لی۔ذرائع کے مطابق اس حوالے سے ایس ایس پی آپریشنز کی سربراہی میں اجلاس منعقد کیا گیا جس میں پی ٹی آئی کا جلسہ روکنے کیلئے تمام وسائل بروئے کار لانے کا فیصلہ کیا گیا ہے۔ اجلاس میں فیصلہ کیا گیاکہ پی ٹی آئی کو ڈی چوک میں کسی صورت جلسہ کرنےکی اجازت نہیں دی جائے گی اور اگر پی ٹی آئی کی جانب سے جلسہ کرنے کی کوشش کی گئی تو ضرورت پڑنے پر قیادت سمیت کارکنوں کو بھی گرفتارکیا جائے گا۔ذرائع کا کہنا ہے کہ ایس ایس پی آپریشنز کی سربراہی میں ہونے والے اجلاس میں فیصلہ کیا گیا کہ جلسہ روکنے کیلئے پنجاب سمیت دیگر اضلاع کی پولیس اور ایف سی کی اضافی نفری کو بھی طلب کیا جائےگا ¾ شہر کے داخلی اور خارجی راستوں پر کنٹینرز اور پولیس کی بھاری نفری تعینات کی جائے گی تاکہ جلسے کے شرکاءکو شہر سے باہر ہی روکا جا سکے۔