اسلام آباد (نیوز ڈیسک)بالوں کا رنگ سرخ ہونے پر ایک امریکی بچے نے والدین کیخلاف متنازع2ملین ڈالر ہرجانے کا مقدمہ دائر کردیاہے۔ایک امریکی اخبار کی رپورٹ کے مطابق نیو یارک کے رہائشی ایک سرخ سر والے 13سالہ بچے نے والدین کے خلاف اس بنیاد پر مقدمہ درج کردیاہے کہ انہیں معلوم تھا کہ نوزائیدہ بچے کے بال سرخ ہوں گے اور اس کے باو جود انہوں نے پیدائش سے قبل علاج نہیں کروایا۔رانگ فل لائف قانون کے تحت سرخ بالوں والے والدین کیخلاف دائر کیا گیا مقدمے میں یہ الزام عائد کیاگیاہے کہ انہیں معلوم تھا کہ ان کے بچے کے بالوں کا بھی موروثی طورپر رنگ سرخ ہوگا۔بچے نے مو¿قف اختیار کیا ہے کہ ان کے والدین نے اس کے ساتھ رضاکارانہ تعصب برتا ہے۔انہیں یہ بھی معلوم تھا کہ اس کی زندگی اذیت ناک گزرے ہوگی۔بچے نے اذیت ناک زندگی کے والدین سے مالی معاوضہ جبکہ زندگی کو انجوائے نہ کرسکنے کے 2ملین ڈالر ادا کرنے کا مطالبہ کیاہے۔میڈیا سے گفتگو کرتے ہوئے بچے لیام مرفی نے کہاکہ میری زندگی اذیت ناک ہے ، مجھے کہا جارہاہے کہ میں معدوم ہونے والی نوع سے تعلق رکھتا ہوں۔لوگ مجھے کامیڈیان کیروٹ ٹاپ ، افسانوی کردار سٹرابری شارٹ کیک یا ادرک کے دھبوں والا کہہ کر پکارتے ہیں۔یہ سب میرے والدین کا قصور ہے ، انہیں معلوم تھا کہ وہ مجھے ایک اذیت ناک زندگی دے ر ہے ہیں ،اور انہوں نے اس سب کے قطع نظر بس بچے ہونے چاہیے کا سوچ کر خود غرضی کا مظاہرہ کیا۔