کراچی(نیوزڈیسک) سندھ حکومت نے پاکستان پیپلزپارٹی کے بانی اورسابق وزیراعظم ذوالفقار علی بھٹو کی 37 ویں برسی کے موقع پر اخراجات کے لیے ڈھائی کروڑ روپے جاری کرنے کا نوٹی فکیشن جاری کردیاہے ۔ نوٹی فکیشن کے مطابق سندھ کے سرکاری خزانے سے ڈھائی کروڑ روپے کی خطیر رقم ذوالفقار علی بھٹو کی برسی پر خرچ کی جائے گی۔ ذرائع کے مطابق وزیراعلی سندھ نے اس رقم کی منظوری دی جس کے بعد چیف سیکرٹری صدیق میمن نے بھی رقم کی جاری کرنے کی سمری کی منظوری دی ، نوٹیفکیشن کے ذریعے وزارت خزانہ سے کہا گیا ہے کہ ڈھائی کروڑ روپے کی رقم جاری کی جائے ، مذکورہ رقم سیکرٹری جنرل ایڈمنسٹریشن کے ذریعے ڈپٹی کمشنر لاڑکانہ کو جاری کی جائے گی جسے برسی کی تقریبات پر خرچ کیا جائے گا۔ نوٹیفیکیشن کی کاپی وزیراعلی سندھ سیدقائم علی شاہ ، چیف سیکرٹری سندھ ، کمشنر لاڑکانہ اور ڈی سی لاڑکانہ کو ارسال کردی گئی ہے۔