لاہور(نیوز ڈیسک) ڈی چو ک پر دھرنے کے خلاف آپریشن کرنے کا فیصلہ کیا گیا ہے ۔اس پر ایکسپریس ٹی وی پر تبصرہ کرتے ہوئے سینئر اینکر پرسن اور کالم نگار جاوید چوہدری نے کہا کہ حکومت مسلسل تضادات کا شکار ہے ۔ 2013ء میں عمران خان کے 126روزہ دھرنے کے خلاف ایکشن کیوں نہیں کیا گیا ؟ اس دھرنے میں عمران خان اور طاہر القادری کو پی ٹی وی، پارلیمنٹ اور وزیر اعظم ہاؤس پر حملہ کرنے کی اجازت کیوں دی گئی اور ان کے خلاف ایکشن کیوں نہیں کیا گیا۔2013کے دھرنے کے شرکاء تو حکومت کو گرانا چاہتے تھے لیکن موجودہ دھرنے کے شرکاء کے مطالبات تو بہت چھوٹے ہیں، ان کے ساتھ مذاکرات کیوں نہیں کیے جارہے اور ان کے خلاف آپریشن کا فیصلہ کیوں کیا گیا۔ جاوید چوہدری کا کہنا تھا کہ موجودہ حکومت مسلسل تضادات کا شکار ہے،انہوں نے کلین شیو لوگوں کو تو وزیراعظم ہاؤس ، پارلیمنٹ اور پی ٹی وی سینٹر پر حملہ کرنے کی اجازت دیدی لیکن داڑھی والوں کے خلاف تین دن بعد ہی آپریشن کا فیصلہ کر لیا۔