اسلام آباد(نیو ز ڈیسک)ممتاز قادری کے چہلم کے موقع پر اتوار کو لیاقت باغ راولپنڈی سے نکلنے والے جلوس کے شرکاءاس وقت ڈی چوک پر دھرنا دئیے بیٹھے ہیں جنہیں آج 3روز گزر چکے ہیں۔ان کی وجہ سے جڑواں شہروں میں نظام زندگی مفلوج ہو کر رہ گیا ہے ۔گزشتہ روز اس وقت ایک افسوسناک منظر سب نے دیکھا جب آرمی کے دو ہیلی کاپٹرز نے ڈی چوک کا فضائی جائزہ لیا ۔اس موقع پر شرکا ءنے شدید نعرے بازی کی اور ہیلی کاپٹر کی طرف جوتے اور ڈنڈے برسائے ۔پاکستانی آرمی کے ہیلی کاپٹر پر جوتے اور ڈنڈے پھینکنا اور واپس جاتے ہیلی کاپٹرز کے بارے میں عجیب و غریب باتیں کرنا انتہائی افسوسناک عمل ہے ۔احتجاج کرنا سب کا حق ہے لیکن یہ طرز عمل درست نہیں کسی بھی شخص کو پاکستانی افواج یا قومی اداروں سے متعلق غلط باتیں کرنا زیب نہیں دیتا اور نہ ہی کسی شخص کو اس بات کی اجازت دی جانی چاہئے۔ موقع پرمزید کیا مناظر دیکھنے میں آئے آپ خود دیکھ لیں۔‎