اسلام آباد (نیوز ڈیسک) برطانیہ میں ڈیریئس نامی خرگوش کو دنیا کا سب سے طویل اور وزنی خرگوش قرار دینے کے لئے گنیز بک آف ورلڈ ریکارڈ سے رابطہ کیا گیا ہے۔
یہ خرگوش 4 فٹ چارانچ لمبا اور 22 کلوگرام سے زیادہ وزنی ہے۔ یہ ایک سال میں 2000 گاجریں اور 700 سیب کھاجاتا ہے۔ اس کی خوراک پر سال میں 7 سے 8 لاکھ روپے خرچ ہوتے ہیں لیکن اس کا بچہ بھی تیزی سے بڑھ رہا ہے جو اب تک 3 فٹ 8 انچ کا ہوچکا ہے۔ ان دونوں خرگوش کا ایک دوست بھی ہے اور وہ ہے ایک کتا جس کا نام “کے” رکھا گیا ہے۔خرگوشوں کی مالکن اینیٹے ایڈورڈز کے مطابق بڑے خرگوش کا بچہ جلد ہی اپنے باپ کو پیچھے چھوڑ سکتا ہے۔ اس کے لئے گنیز بک آف ورلڈ ریکارڈ کو درخواست دیدی گئی ہے اور ایک ماہر کے معائنے کے بعد اسے ایوارڈ دینے یا نہ دینے کا فیصلہ کیا جائے گا۔
روزانہ دونوں خرگوش سیب اور گاجریں کھانے کےساتھ ساتھ خرگوشوں کا خاص کھانا ہر روز اور گھاس کا ایک توڑا ایک ہفتے میں کھاجاتے ہیں۔ یہ خرگوش انسانوں میں رہ کر توجہ حاصل کرنے کو پسند کرتے ہیں۔ دونوں خرگوش گھر کے عقب میں باغیچے میں گھومتے پھرتے رہتے ہیں اورانہیں کسی جگہ لے جانے کے لئے ایک بڑا چھکڑا درکار ہوتا ہے۔