لاہور(نیوز ڈیسک)پنجاب کے وزیر قانون رانا ثناء اللہ نے کہا ہے کہ پنجاب میں کراچی جیسے آپریشن کی ضرورت نہیں،خودکش حملہ آور سے متعلق تحقیقاتی ادارے تفتیش کررہی ہے،پنجاب میں خفیہ اطلاع کی بنیاد پر آپریشن ہو رہے ہیں،متعدد مشتبہ افراد کو سیکورٹی اہلکاروں نے حراست میں لیا ہے۔نجی ٹی وی پروگرام میں گفتگو کرتے ہوئے ان کا کہنا تھا کہ وزیراعظم کے ہدایت پر خفیہ اطلاع کی بنیاد پر آپریشن کا دائرہ بڑھا دیا ہے،وزیراعظم نے دہشتگردوں کے خلاف آپریشن مزید منظم اور تیز کرنے کی ہدایت کی ہے۔انہوں نے ہکا کہ سانحہ لاہور کے بعد رینجر نے کارروائی کرکے فیصل آباد،میانوالی،مظفرگڑھ اور لاہور سے درجنوں مشتبہ افراد کو گرفتار کیاگیا۔انہوں نے کہا کہ پنجاب میں خفیہ اطلاع کی بنیاد پر منظم طریقے سے آپریشن کیا جارہا ہے تاہم بڑا آپریشن بھی شروع ہوجائے گا۔