لاہور (نیوزڈیسک)گلشن اقبال پارک میں خود کش دھماکے کے بعد زخمیوں کےلئے خون کے عطیات کی اپیل کے بعد شہریوں کی بڑی تعداد ہسپتالوں میں پہنچ گئی ۔ ٹی وی چینلز پر شہریوں سے زخمیوں کےلئے خون کے عطیات کی اپیل کے بعد لاہوریے ایک بڑی تعداد خون کے عطیات دینے جناح،شیخ،سروسز اور نجی ہسپتالوں میں پہنچ گئے ۔ہسپتالوں میں خاص طورپر او نیگیٹیو اور اے نیگیٹیو خون کی اشد ضرورت ہے،لاہور کے اقبال پارک میں ہونے والے افسوسنا ک خود کش حملے میں بڑی تعداد میں بچے اور خواتین شدید ذخمی ہیں ،جنہیں لاہور کے جناح ،سروسز ،شیخ زید اور دیگر ہسپتالوں میں منتقل کیا گیا ہے۔ڈاکٹرز کا کہنا ہے کہ زخمیوں کی حالت انتہائی تشویشناک ہے اور انہیں خون کی اشد ضرورت ہے لہذا لاہور کے شہری خون کے عطیات دینے کے لئے ہسپتالوں میں پہنچیں۔جبکہ صوبائی حکومت نے لاہور کے تمام ہسپتالوں میں ایمرجنسی نافذ کر دی ہے۔