لاہور/راولپنڈی( نیوز ڈیسک) سکیورٹی خدشات کے پیش نظر لاہور میں میٹرو بس کا روٹ عارضی طور پر محدود کر دیا گیا ، راولپنڈی میں میٹرو بس سروس آج ( اتوار) کو مکمل طور پر بند رہے گی ۔ میٹرو بس اتھارٹی حکام کے حوالے سے بتایاگیا ہے کہ سکیورٹی خدشات کے باعث لاہور میں میٹرو بس سروس کے روٹ کو گجومتہ سے شاہدرہ کی بجائے گجومتہ سے ایم اے او کالج تک محدود کر دیا گیا ہے جبکہ ایم اے او کالج سے شاہدرہ تک بس سروس عارضی طورمعطل رہے گی ۔ مزید بتایا گیا ہے کہ راولپنڈی میں بھی آج اتوار کو میٹرو بس سروس مکمل بند رہے گی ۔