لاہور (نیو زڈیسک) سابق گورنر پنجاب غلام مصطفی کھر کی سابقہ اہلیہ نیلو فر کو 2شناختی کارڈز رکھنے کے الزام میں جوڈیشل ریمانڈ پر جیل بھجوا دیا گیا ۔ سابق گورنر پنجاب مصطفی کھر کی سابق اہلیہ نیلوفر کے خلاف دو شناختی کارڈ رکھنے کا مقدمہ درج تھا ،مقدمہ دو سال قبل نادرا کی جانب سے درج کرایا گیا تھا اور ملزمہ کو مقدمہ میں اشتہاری ہونے پر ایف آئی اے نے جمعہ کے روز گرفتار کیا تھا ۔ گزشتہ روز ملزمہ کو سول جج عدنان بختیار کی عدالت میں پیش کیا گیا ۔ فاضل عدالت نے ریکارڈ کا جائزہ لینے کے بعد ملزمہ کو جوڈیشنل ریمانڈ پر جیل بھجوانے کا حکم دیدیا۔