بیجنگ (نیوز ڈیسک) چین کے اعلی کوالٹی کے نگران ادارے نے کہا ہے کہ پرتعیش کارساز ادارہ بی ایم ڈبلیو8اپریل سے چین سے اپنی درآمد شدہ منی سیریز گاڑیاں واپس منگوائے گا،یہ واپسی اس فیول پمپ مسئلے کی وجہ سے ہورہی ہے جس کی وجہ سے ڈرائیونگ کرتے وقت انجن بند ہوجاتاہے۔ یہ بات کوالٹی، نگرانی، انسپکشن اورگارنٹی کی جنرل ایڈمنسٹریشن نے ایک اعلامیہ میں بتائی ہے،یہ گاڑیاں12جون2015اور19نومبر2015کے درمیان تیار کی گئیں تھیں،اعلامیہ میں کہا گیاہے کہ واپسی سے سرزمین چین میں مجموعی طورپر6109گاڑیاں متاثر ہوں گی، اعلامیہ کے مطابق بی ایم ڈبلیو چائنہ آٹو ماٹیو ٹریڈنگ کمپنی لمٹیڈ بلامعاوضہ خرابی درست کرے گی۔ ۔