اسلام آباد(نیوزڈیسک)قومی اسمبلی کے اجلاس میں وزارت خارجہ کی جانب سے وفاقی وزیر خرم دستگیر نے بتایا کہ گزشتہ پانچ سالوں کے دوران امریکی ڈالر کے مقابلے میں پاکستانی روپے میں 22 فیصد سے زائد کمی آئی۔ محدود پروفائل کے باوجود پاکستان کے فارن مشن کی عالمی فورمز سمیت ہر جگہ نمایاں کارکردگی ہے۔ 2010-11ءکے دوران فارن مشنز کے اخراجات آٹھ ارب 35 کروڑ 17 لاکھ روپے‘ 2011-12ءکے دوران 9 ارب 43 کروڑ 74 لاکھ روپے‘ 2012-13ءمیں 10 ارب 44 کروڑ 78 لاکھ روپے‘ 2013-14ءمیں 11 ارب 11 کروڑ 56 لاکھ ‘ 2014-15ءمیں دس ارب 94 کروڑ 99 لاکھ روپے‘ 2015-16ءمیں جنوری تک 6 ارب 3کروڑ 41 لاکھ روپے کے اخراجات ہوئے۔