کراچی (نیوزڈیسک) عالمی صرافہ مارکیٹ میں فی اونس سونے کی قیمت میں کمی کا رحجان دیکھا گیا جس کے بعد ملکی صرافہ مارکیٹوں میں بھی سونے کی قیمت کم ہو گئی ۔منگل کو عالمی صرافہ مارکیٹ میں22ڈا لر کی نمایاں کمی سے سونے کی فی اونس قیمت1234ڈالرہو گئی۔آل پاکستان سپریم کونسل جیولرز ایسوسی ایشن کی رپورٹ کے مطابق منگل کوملکی صرافہ مارکیٹوں میں ایک تولہ سونے کی قیمت میں400رو پے کی کمی ریکارڈ کی گئی جس کے بعدکراچی،حیدرآباد،لاہور،ملتان، فیصل آباد،اسلام آباد،راولپنڈی اورکوئٹہ کی صرافہ مارکیٹوں میں ایک تولہ سونے کی قیمت49ہزار450روپے سے کم ہوکر49ہزار50روپے ہوگئی اسی طرح343روپے کی کمی سے دس گرام سونے کی قیمت42ہزار42روپے پر آگئی جبکہ ایک تولہ چاندی کی قیمت660روپے پربدستور بر قرار رہی ۔