کراچی (نیوز ڈیسک) عالمی صرافہ مارکیٹ میں فی اونس سونے کی قیمت میں ا ضا فے کے بعد ملکی صرافہ مارکیٹوں میں سونا مزیدمہنگا ہو گیا ۔پیر کو عالمی صرافہ مارکیٹ میں10ڈا لرکے اضا فے سے فی اونس سو نے کی قیمت1269ڈالرہو گئی۔آل پاکستان سپریم کونسل جیولرز ایسوسی ایشن کی رپورٹ کے مطابق پیر کوملکی صرافہ مارکیٹوں میں ایک تولہ سونے کی قیمت میں300رو پے کا اضا فہ ریکارڈ کیا گیا جس کے بعدکراچی،حیدرآباد،لاہور،ملتان،فیصل آباد،اسلام آباد،راولپنڈی اورکوئٹہ کی صرافہ مارکیٹوں میں ایک تولہ سونے کی قیمت49ہزار100روپے سے بڑھ کر49ہزار400رو پے پر جا پہنچی اسی طرح257روپے کے اضا فے سے دس گرام سونے کی قیمت42ہزار342روپے ہو گئی جبکہ ایک تولہ چاندی کی قیمت660روپے پر بر قرار رہی ۔