لاہور(نیوزڈیسک)ٹریڈ ڈویلپمنٹ اتھارٹی پاکستان نے فرانس میں منعقدہ بین الاقوامی تجارتی نمائش میں شرکت کے خواہشمندوں سے درخواستیں طلب کر لیں۔سیال فوڈ نمائش رواں سال 16سے 20اکتوبر تک فرانس کے پیرس میں منعقد ہو گی جس میں چاول ،ڈبہ بند کھانے ، حلال مصنوعات ،صحت کی مصنوعات اور خوراک سپلیمنٹ،گوشت ، دودھ اور انڈے کی مصنوعات ، اجزائے خوراک ، تازہ اور بہترین کھانے کی اشیاء، پھل اور سبزیاں ، نامیاتی مصنوعات ، سمندری خوراک ، بیکری ، مٹھائی کی مصنوعات اور سوفٹ ڈرنکس رکھی جائیں گی ۔ نمائش میں شرکت کےلئے درخواست دینے کی آخری تاریخ 21مارچ ہے ۔