منسک (نیوز ڈیسک)بیلا روس میں پولیس اہل کار نے بچی کو حادثے سے بچا لیا،مگر کار کی ٹکر سے خود زخمی ہو گیا ۔مشرقی یورپ کے ملک بیلا روس میں پولیس اہلکار نے خود چوٹ کھا لی لیکن تیز رفتار کار کی ٹکر سے بچی کو بچا لیا۔انسان کی زندگی میں چند ایسے واقعات پیش آتے ہیں جو معجزات کے وجود کا یقین دلاتے ہیں، ایسا ہی ایک واقعہ بیلا روس میں پیش آیا جب ایک بچی اسکول جاتے ہوئے روڈ پار کر رہی تھی اور پولیس اہلکار بھی اس کے پیچھے پیچھے چل رہا تھا، اس دوران سامنے سے تیز رفتار کار آئی تو پولیس اہلکار اپنی جان کی پروا کیے بغیر بچی کو گھسیٹ کر سڑک کے کنارے لے آیا اور بچی کو بال بال بچا لیا،تاہم کار کی ٹکرسے خود زخمی ہو گیا۔بیلا روس کی وزارت داخلہ کے مطابق حادثے میں پولیس اہلکار کی ٹانگ میں چوٹ آئی ہے جبکہ بچی مکمل طور پر محفوظ رہی