کراچی(نیوز ڈیسک) سونے کی عالمی قیمت میں نمایاں اضافے کے باعث پاکستان میں جمعہ کو تولہ قیمت 50 ہزار روپے کے قریب پہنچ گئی۔بین الاقوامی بلین مارکیٹ میں فی اونس سونے کی قیمت 30 ڈالر کے اضافے سے1272 ڈالر کی سطح پر پہنچنے کے باعث مقامی صرافہ مارکیٹوں میں بھی جمعہ کو فی تولہ اور فی دس گرام سونے کی قیمتوں میں بالترتیب 1000 اور858 روپے کا نمایاں اضافہ ہوگیا جس کے نتیجے میں کراچی حیدرآباد سکھر ملتان فیصل آباد لاہور اسلام آباد راولپنڈی پشاور اور کوئٹہ کی صرافہ مارکیٹوں میں فی تولہ سونے کی قیمت48 ہزار 700 سے بڑھ کر49ہزار 700 اور فی دس گرام سونے کی قیمت 41ہزار 742 روپے سے بڑھ کر42ہزار 600 روپے ہوگئی۔دریں اثناء4 چاندی کی قیمتوں میں بھی اضافہ ہوا اور فی تولہ چاندی کی قیمت 5 روپے کے اضافے سے 655 سے بڑھ کر 660 اور دس گرام چاندی کی قیمت 4.29 روپے بلند ہونے سے 561.42 سے بڑھ کر 565.71 روپے ہوگئی، چاندی کی عالمی قیمت 15.42 ڈالر فی اونس ریکارڈ کی گئی۔