سان سلواڈور(نیوز ڈیسک)سلواڈور میں برطانوی ہیوی میٹل بینڈ ’آئرن میڈن‘کے کنسرٹ کا وی آئی پی ٹکٹ خون کا عطیہ دے کر حاصل کیا جا سکتا تھا۔ یہ موقع موسیقی کے شائقین کو سلواڈور میں ریڈ کراس کی شاخ نے فراہم کیا۔ڈیڑھ سو سے زیادہ لوگوں نے خون کا عطیہ دیا لیکن ٹکٹ سب کو نہیں ملے کیوں کہ ان کی تعداد صرف 50 تھی۔ ریڈ کراس کے اہلکاروں کے بقول خون کا عطیہ دیتے ہوئے لوگ نہ صرف اس لئے خوش تھے کہ انہیں ٹکٹ مل سکتا ہے بلکہ اس لئے بھی کہ وہ دوسروں کی مدد کر سکتے ہیں۔سلواڈور کے دارالحکومت سان سلواڈور میں Iron Maiden کا کنسرٹ 6 مارچ کو متوقع ہے۔ یہ بینڈ 1975 میں قائم کیا گیا تھا اور 2015 میں اس کا 16ویں البم The Book Of Souls ریلیز کیا گیا۔