کراچی (نیوز ڈیسک) صرافہ مارکیٹ میں سونے کی قیمتوں میں تیزی کا رجحان رہا۔ منگل کو سونا تیزابی فی 10 گرام اور فی تولہ کے بھاﺅ میں بالترتیب 343 روپے اور 400 روپے کا اضافہ ہوگیا۔ آل سندھ صراف ایسوسی ایشن کے مطابق صرافہ مارکیٹوں میں سونا تیزابی فی 10 گرام گذشتہ کاروباری روز کی قیمت 40 ہزار 714 روپے سے بڑھ کر 41 ہزار 57 روپے اور فی تولہ کے بھاﺅ 47 ہزار 500 روپے سے بڑھ کر 47 ہزار 900 روپے ہو گئے۔ بین الاقوامی مارکیٹ میں بھی سونے کی قیمت 12 ڈالر کی تیزی سے 1 ہزار 217 ڈالر فی اونس پر بند ہوئی۔ مقامی مارکیٹوں میں 22 قیراط سونے کی قیمت 37 ہزار 635 روپے ریکارڈ کی گئی۔ مزیدبرآں چاندی تیزابی فی 10 گرام گذشتہ کاروباری روز کی قیمت 557.14 روپے اور فی تولہ کی قیمت 650 روپے پر مستحکم رہی جبکہ بین الاقوامی مارکیٹ میں چاندی فی 10 گرام کی قیمت 15.23 ڈالر پر بند ہوئی۔