کراچی(نیوز ڈیسک)کراچی میں تین روز تک جاری رہنے والا گرینڈ ’ترکش فیسٹیول ‘اپنے اختتام کو پہنچا۔ آخری روز ترک فنکار جوڑے پورچن اور قدیر کی پرفارمنس نے میلہ لوٹ لیا۔فیسٹیول میں شرکت کیلئے خصوصی طور پر ترکی سے آئے فنکاروں نے کراچی والوں کے دل موہ لئے۔آخری روز پورٹ گرینڈ میں پرفارمنس کے لیے خوبصورت ترک ڈانسر جوڑا پورچن اور قدیر روایتی ترک ڈانس میں مہارت رکھتے ہیں جب انہوں نے روایتی دھنوں پرترکی کا خاص ’زیبک‘ اور’ رومن‘ رقص پیش کیا۔پرفارمنس پر ملنے والی داد سے پورچن اور قدیر پھولے نہ سمائے۔ ان کا کہنا تھا کہ کراچی والوں کی جانب سے ملنے والی پذیرائی سے ان کا حوصلہ بڑھا۔بڑی تعداد میں فیسٹیول میں پہنچنے والے شائقین نے پورچن اور قدیر کی پرفارمنس کے ساتھ ساتھ ترکی سے آئے دیگر فنکاروں کی پرفارمنس کو بھی خوب انجوائے کیا۔ فنکاروں کا کہنا تھا کہ پاکستانیوں کے خلوص کو بھلا نہیں پائیں گے