اسلام آباد (نیوز ڈیسک)بولی ووڈ ادکارہ سونا کشی سنہا کا کہنا ہے کہ وہ حال میں شائع کی جانے والی اپنے والد سینئر اداکار شتروگھن سنہا کی سوانح حیات پوری نہیں پڑھ سکتیں۔اداکارہ نے میڈیا سے گفتگو کرتے ہوئے بتایا کہ انھوں نے اپنے والد کی زندگی پر لکھی جانے والی کتاب کے ابتدائی چند باب پڑھے ہیں تاہم وہ مزید پڑھنے میں دلچسپی نہیں رکھتیں۔انکا مزید کہنا تھا کہ وہ صرف اس لئے اس کتاب کو پورا نہیں پڑھنا چاہتیں کیونکہ والدین کی زندگی کے چند راز انکی اولاد کی آنکھوں سے اوجھل ہی رہنے چاہیءں۔سوکشی سنہا نے بتایا کہ انھوں والد کے بچپن اور لڑکپن کے وقت تک کا حصہ پڑھا ہے۔رپورٹ کے مطابق شتروگھن سنہا کی سوانح حیات میں ایک باب شتروگھن کے نا م سے ہے جس میں ان کے اداکارہ رینا رائے کے ساتھ افیئر پر روشنی ڈالی گئی ہے جو انکی پونم کے ساتھ شادی کے بعد بھی جاری رہا تھا۔علا وہ ازیں سینئر اداکار کی اہلیہ پونم کا کہنا ہے وہ اس کتاب کو مکمل طور پر پڑھنے کا ارادہ رکھتی ہیں۔انکاکہناہے کہ جب سے انہوں نے شوہر کی سوانح حیات کو پڑھنا شروع کیا ہے انھیں لگتا ہے ان کے شوہر درحقیقت بالکل الگ شخصیت کے مالک ہیں۔