لاہور (نیوز ڈیسک )حال ہی میں ٹیکنالوجی سے متعلق اعلیٰ ساکھ کے حامل جریدے نے اپنے سالانہ ایڈیشن میں ہواوے ٹیکنالوجیز کو دنیا کی 15ٹاپ تخلیقی کمپنیوں میں شامل کیا ہے۔فاسٹ کمپنی نامی اس جریدے کے سالانہ ایڈیشن میں دنیا بھر سے50کمپنیوں کی فہرست شائع کی گئی تھی جس میں سے ہواوے کو گزشتہ چند برسوں کے دوران حاصل ہونے والی کامیابی کے اعتراف میں ٹاپ15کمپنیوں میں رکھا گیا۔ہواوے نے خاص طور پر سال2015میں غیر معمولی کارکردگی کا مظاہرہ کیا اور اس دوران فروخت کےلئے بہترین اسمارٹ فون پیش کئے جس میں میٹ Sقابل ذکر ہے۔دراصل ہواوے کوحاصل ہونے والا یہ اعزاز اس کی ریسرچ اینڈ ڈویلپمنٹ ٹیم کی مرہون منت ہے،ہواوے کی ریسرچ اینڈ ڈیولپمنٹ ٹیم کنزیومر مارکیٹ میں مسلسل تخلیقی آئیڈیاز کے ساتھ بہترین سالوشنز فراہم کرنے کےلئے کوشاں ہے جبکہ خاص بات یہ ہے کہ ہواوے نے اپنے45فیصد ملازمین کو ریسرچ اینڈ ڈویلپمنٹ پروگرام کےلئے مختص کررکھا ہے۔دنیا میں تیسرے بڑے اسمارٹ فون مینوفیکچرر کی حیثیت سے ہواوے ٹیکنالوجی سالوشن کی فراہمی میں عالمی لیڈرکی حیثیت رکھتا ہے۔ورلڈ انٹلکچوئل پراپرٹی آرگنائزیشن(WIPO) کے مطابق پیٹنٹ فائلنگ میں ہواوے دنیا بھر میں سرفہرست ہے۔گزشتہ چندبرسوں کے دوران ہواوے کے ریسرچ اینڈ ڈیولپمنٹ بجٹ میں زبردست اضافہ دیکھا گیا ہے اور محض دس برس کی قلیل مدت میں آر اینڈ ڈی پر 30ارب70کروڑ امریکی ڈالر صرف کئے گئے ہیں۔ہواوے کو قوی امید ہے کہ اپنی تیز تر ترقی اور تخلیقات کے ذریعے وہ جلد ہی مارکیٹ میں اپنے مدمقابل کو شکست دینے میں کامیاب رہے گی۔کنزیومر مارکیٹ اور خاص کر پاکستان میں گزشتہ برس ہواوے کی ترقی کی شرح میں خاطر خواہ اضافہ دیکھا گیا ۔حال ہی میں متعارف کرائے گئے ہواوے میٹ8اور Honor 5X کو مارکیٹ کی جانب سے زبردست پذیرائی حاصل ہوئی ہے جس کے بعد ہواوے کی نگاہیں مارکیٹ میں وسیع شیئر کی جانب لگی ہوئی ہیں۔عالمی سطح پر ہواوے کے16آر اینڈ ڈی سینٹر زاور جوائنٹ وینچر کے تحت36مشترکہ انوویشن سینٹرز کام کررہے ہیں جس کا مقصد کنزیومر مارکیٹ اور جدید ٹیکنالوجی کے درمیان خلاءکو کم کرنا ہے اور ہواوے یقینی طور پر اسی اصول پر عمل پیرا ہے۔