کراچی (نیوزڈیسک) غیرملکی سرمایہ کاروں کی عدم دلچسپی کے باعث 7 ماہ کے دوران بیرونی سرمایہ کاری میں94 کروڑ ڈالر کمی ہوئی، چینی کمپنیوں کی سرمایہ کاری بڑھ گئی، امریکا اور سعودی عرب نے سرمایہ نکال لیا۔توانائی بحران، انفرااسٹراکچر کی کمی اور روپے کی قدر میں کمی کے باعث سرمایہ کاروں نے پاکستان میں سرمایہ کاری سے ہاتھ کھینچ لیا، اسٹیٹ بینک کے مطابق رواں مالی سال سات ماہ میں بیرونی سرمایہ کاری کا حجم صرف اکیاسی کروڑ اٹھاون ڈالر رہ گیا، گزشتہ سال اس دوران بیرونی سرمایہ کاری کی مالیت ایک ارب75 کروڑ ڈالر تھی۔اس دوران چینی کمپنیوں نے 40 کروڑ 90 لاکھ ڈالر کی براہ راست سرمایہ کاری کی، جبکہ امریکا نے 8 کروڑ 65لاکھ ڈالر اور سعودی عرب نے 7 کروڑ 44 لاکھ ڈالر نکال لئے۔ اسٹیٹ بینک کے مطابق جولائی 2015 سے جنوری 2016 کے دوران براہ راست بیرونی سرمایہ کاری میں ساڑھے 4 فیصد اضافہ ہوا، اور اس کی مالیت 64 کروڑ79 لاکھ ڈالر رہی، اس دوران اسٹاک مارکیٹس میں47 کروڑ 95 لاکھ ڈالر سرمایہ کاری کی گئی۔