لندن(نیوزڈیسک)مردشریک حیات کے انتخاب میں حسن کی بجائے عورت کی ذہانت کو ترجیح دیتے ہیں، یہ انکشاف ایک حالیہ برطانوی رپورٹ میں کیا گیا ہے۔برطانوی یونیورسٹی کے سروے نے گزشتہ کئی بارکے سروے نتائج کی تصدیق کردی ہے اور ایک بار پھریہ بات سامنے آئی ہے کہ مرد اپنے لائف پارٹنر کا انتخاب ذہانت کی بنیاد پر کرتے ہیں تاکہ وہ ذمہ دار ماں بن سکے۔سروے میں شامل ایک پروفیسرکاکہناہے کہ مرد عورت کے ظاہری حسن سے نہیں بلکہ ذہانت سے متاثر ہوکر اسے شریک حیات چنتا ہے۔برطانوی پروفیسر کا کہناتھاکہ جب کسی عورت کی خوبصورتی کی بات ہو تو سروے نتائج کے مطابق مرد پتلی دبلی عورتوں کو نہیں بلکہ ایک حد تک موٹی عورت کو پسند کرتے ہیں تاکہ وہ ایک صحت مند بچے کو جنم دے سکے۔مردوں کے نزدیک نوجوان، صحت مند اور مستقل جینز کی مالک خواتین کامیاب ترین لائف پارٹنر بنتی ہیں۔سروے کے مطابق مردوں کا کہنا ہے کہ ذہانت خاتون کی سب سے اہم خوبی ہے جو اسے طویل عرصے تک شریک حیات رکھنے میں مدد گاراور بچوں کی پرورش میں بھی اہم کرداراداکرتی ہے۔