لندن(نیوزڈیسک) دنیا کا سب سے پسندیدہ ہندسہ کوئی اور نہیں 7 ہے۔ یہ دلچسپ مگر سب کو معلوم انکشاف ایک نئے آن لائن سروے میں سامنے آیا ہے۔ برطانیہ میں ہونیوالے سروے میں 44 ہزار افراد کی رائے لی گئی جس کے بعد نمبر 7 کو دنیا کے سب سے مقبول ترین ہندسے کا اعزاز حاصل ہو گیا۔ سروے میں نمبر 3 دوسری اور 8 تیسری پوزیشن پانے میں کامیاب رہا جبکہ 4 اور 5 بھی ٹاپ فائیو میں جگہ بنانے میں کامیاب رہے۔ سروے میں بتایا گیا کہ 7 نمبر کی مقبولیت کی وجہ اسے خوش قسمتی کی علامت سمجھا جانا، آسمانوں کی تعداد اور ثقافت و تاریخ میں اس کا استعمال ہے۔