کراچی(نیوزڈیسک)سونے کی قیمتوں نے حیران کردیا،دوسرے دن ایک اور بڑی قلابازی،گولڈ مزید مہنگا ہو گیا دو روز کے دوران فی تولہ سو نے کی قیمت میں 1600 روپے اضافہ ریکارڈ کیا گیا۔ گولڈ ڈیلرز کے مطابق عالمی سطح پر سونے کی فی اونس قیمت 1250 ڈالر فی اونس کی سطح پر آ چکی ہے جس کی وجہ سے مقامی مارکیٹ میں فی تولہ سونے کے دام آج مزید 500 روپے اضافے سے 48 ہزار 700 روپے کی سطح پر آ گئے ہیں۔ تجزیہ کاروں کا کہنا ہے کہ عالمی اسٹاک مارکیٹ میں اتار چڑھاو¿ کے باعث بیرونی سرمایا کاروں کے لیے اب گولڈ زیادہ پرکشش ہو گیا ہے جس کی وجہ سے اس کی قیمتوں میں اضافہ دیکھا جا رہا ہے۔