اسلام آباد (نیوز ڈیسک) موٹاپے کا شکار افراد کیا کچھ نہیں کرتے اس عذاب سے نجات پانے کیلئے ، مگر قارئین کیلئے یہ خبر حیرت انگیز ہو گی کہ ان کے موٹاپے کا علاج ایک نہایت ہی عام سی چیز میں پوشید ہے ۔جسمانی وزن کی کمی کے لیے لوگ ڈائٹنگ یا کھانا پینا چھوڑ دینے کو زیادہ ترجیح دیتے ہیں مگر ایک مزیدار چیز کا استعمال منہ کے ذائقے کو برقرار رکھتے ہوئے بھی مددگار ثابت ہوسکتا ہے۔اور وہ ہے اخروٹ۔کیلیفورنیا یونیورسٹی اور سان ڈیاگو اسکول آف میڈیسین کی مشترکہ تحقیق کے مطابق اخروٹ اور زیتون کے تیل سے بھرپور غذا جسمانی وزن میں کمی کے لیے بہترین ثابت ہوتی ہے۔اس کے ساتھ ساتھ اخروٹ میں ایسے اجزاء4 بھی موجود ہیں جو کولیسٹرول لیول کو کم رکھنے میں بھی مدد فراہم کرتے ہیں۔محققین نے نتائج کو حیران قرار دیتے ہوئے کہا کہ روزانہ کچھ مقدار میں اخروٹ کا استعمال موٹاپے سے بچاؤکے لیے مفید ثابت ہوتا ہے۔ان کا کہنا تھا کہ اگرچہ اخروٹ میں چربی کی مقدار کافی ہوتی ہے مگر اس کا استعمال جسمانی وزن میں کمی کے لیے اسی طرح فائدہ مند ثابت ہوتا ہے جیسے کم چربی والی غذا۔اس تحقیق کے دوران 22 سے 72 سال کے 245 موٹاپے کے شکار مرد و خواتین کا جائزہ ایک سال تک لیا گیا اور 3 غذاؤں کے ذریعے انہیں گروپس میں تقسیم کرکے ان کے جسمانی وزن پر مرتب ہونے والے اثرات کو دیکھا گیا۔6 ماہ بعد معلوم ہوا کہ جن خواتین نے اخروٹ سے بھرپور غذا کا استعمال کیا ان میں دیگر گروپس کے مقابلے میں جسمانی وزن میں زیادہ کمی دیکھی گئی جبکہ ان کا کولیسٹرول لیول بھی کم ہوا۔تو قارئین اخروٹ کھائیے اور صحت مند رہنے کے ساتھ ساتھ سمارٹ بھی دکھئیے۔