بنکاک(نیوز ڈیسک)تھائی لینڈ میں40ویں سالانہ پھولوں کے میلے کا انعقاد کیا گیا جس میں شرکت کرنیوالوں نے دلکش پھولوں کے ملبوسات میں پریڈ کرتے ہوئے دیکھنے والوں کو حیران کر دیا۔تھائی لینڈ کے شہرچیانگ مائی( Chiang Mai)میں سجے اس فیسٹیول میں سیکڑوں افراد نے شرکت کی ، فیسٹیول میں نہ صرف رنگ برنگے خوبصورت پھول نمائش کا حصہ بنائے گئے بلکہ پھولوں سے بنے دیوہیکل فلوٹس اور پریڈ نے بھی میلے کو چار چاند لگا دئیے۔آرچڈ فلاورمیلے میں خصوصی توجہ کا مرکز بنے تھے جن کی خوشبو ہر س±و مہک رہی تھی۔مختلف اقسام کے رنگ برنگے پھولوں اور پریڈ کی رعنائیاں لئے یہ میلہ مقامی افراد سمیت سیاحوں کے لئے بھی باعث کشش ثابت ہوا جو بڑی تعداد میں یہاں کا ر±خ کرتے دکھائی دئیے