لندن(نیوزڈیسک)شرجیل میمن لندن ایئرپورٹ پر پکڑے گئے،سینئر وکلاءسے مشاورت شروع،سندھ کے سابق وزیر اطلاعات شرجیل میمن کو دبئی سے لندن پہنچنے پر ہیتھرو ایئر پورٹ پر روک لیا گیا اور ان سے پوچھ گچھ کی گئی۔ حکام نے انہیں چودہ فروری کو دوبارہ پیش ہونے کی ہدایت کی ہے۔نجی ٹی وی کے مطابق شرجیل میمن دبئی سے لندن پہنچے تھے کہ ہیتھرو ایئر پورٹ کے امیگریشن کاو¿نٹر پر حکام نے انہیں روک لیا۔ شرجیل میمن سے چند گھنٹے پوچھ گچھ کی گئی۔ ذرائع کا کہنا ہے کہ بعد میں انہیں جانے کی اجازت دے دی گئی تاہم انہیں ہدایت کی گئی ہے کہ وہ چودہ فروری کو دوبارہ حکام کے سامنے پیش ہوں۔ ذرائع کے مطابق انہیں یہ بھی کہا گیا کہ وہ اپنے ہوٹل سے کہیں سفر کریں تو اس کی بھی اطلاع دیں۔ ذرائع کے مطابق شرجیل میمن نے سینئر وکلاء سے بھی مشاورت کی ہے۔