کوئٹہ ( این این آئی ) ڈیرہ مراد جمالی میں چیف آف لانگو نے سردار نادر خان لانگو نے لانگو قبائل کے ہزاروں افراد کے ساتھ تحریک انصاف میں شمولیت کا اعلان کیا انہوںنے کہاکہ اس وقت پاکستان کی سیاست میں جو کردار عمران خان ادا کر رہے ہیں وہ کوئی بھی سیاسی جماعت ادا نہیں کر رہا پاکستان تحریک انصاف کی سیاست کا محور اور عوامی مسائل ہیں سب سے اہم بات یہ ہے کہ حکومت کے جو غلط اقدامات ہوئے ہیں پاکستان تحریک انصاف ان پر فوری ایکشن لیا ہے اور غلط اقدامات کو ہمیشہ غلط کیا ہے اور صحیح اقدامات کی تعریف بھی کی ہے چیف آف لانگو نے کہاکہ ہم نے دوستوں اور قبیلے کے افراد کے ساتھ مشاورت کی کہ ہمیں اپنے علاقوے کی زبو حالی کو فتح کرنے کیلئے سیاسی میدان میں کردار ادا کرنا چاہئے اسکے علاوہ تحریک انصا ف کے سوبائی چیف آرگنائزر سردار یار محمد رند بھی کافی عرسے سے مجھ سے رابطے میں تھا ۔ دوستوں کی مشاورت اور سردار یار محمد خان رند کی پاکستان اور خصوصا !ً بلوچستان کی سیاست میں مخلصانہ کردار کو دیکھتے ہوئے شمولیت کا فیصلہ کیا ۔ دریں اثناءقبائلی رہنماءمیر جعفر خان لانگو ودیگر میر سیف اللہ سرور میر حافظ حبیب اللہ میر شاہجان لانگو ، میر احمد لانگو ، مولوی محمد رفقی لانگو ودیگر نے چیف آف لانگو سردار نادر خان کو پاکستان تحریک انصاف میں شمولیت پر انہیں مبارک باد دیتے ہوئے کہاکہ یہ انتہائی خوش آئند بات ہے کہ چیف آف لانگو سیاسی میدان میں جلوہ افروز ہوئے ہیں انہوںنے امید ظاہر کی کہ چیف آف لانگو کی مخلصانہ سوچ سے عوام کی خوشحالی مل جائیگی اور ہمیں چیف لانگو کی قیادت پر فخر ہے ۔