اسلام آباد (نیوز ڈیسک)لاہور کے ایک شہری نے سلطنت لاہور کا کوہ نور ہیرا ملکہ برطانیہ سے واپس پاکستان لانے کیلئے ہائیکورٹ کا دروازہ کھٹکھٹا دیا۔عدالت عالیہ نے رجسٹرار آفس کا اعتراض ختم کر کے درخواست کو سماعت کیلئے پیش کرنے کا حکم دے دیا۔لاہور میں کوہ نور ہیرے کا ایک اور دعوے دار سامنے آگیا۔ایک مقامی شہری نے عدالت میں درخواست دائر کی ہے کہ 2سو سال پہلے ایسٹ انڈیا کمپنی کے ذریعے برطانوی شاہی خاندان تک پہنچنے والا 5سو قیراط کا ہیرا اب بھی پنجاب کی عوام کی ملکیت ہے۔اس کا کہنا ہے کہ یہ ہیرا چونکہ ریاست سے دوسری ریاست کے بجائے ایک کمپنی کے ذریعے برطانیہ پہنچا اس لیے ملکہ کو اسے اپنے پاس رکھنے کا قانون حق نہیں۔عدالت نے درخواست پر ہائیکورٹ آفس کا اعتراض ختم کرتے ہوئے اسے بنچ میں پیش کرنے کا حکم جاری کر دیا۔