اسلام آباد (نیوز ڈیسک)وزیراعظم کے نوجوانوں کی تربیت کے پروگرام کے تحت ایک سالہ انٹرن شپ کیلئے اب تک تقریباً 55 ہزار درخواستیں موصول ہوئی ہیں۔یہ بات پیر کے روز اسلام آباد میں وزیراعظم کے نوجوانوں کے لئے تربیت کے پروگرام کی چیئرپرسن لیلیٰ خان نے ایک انٹرویو میں بتائی ۔۔ انہوں نے کہاکہ پہلے سال میں 50 ہزار پوسٹ گریجویٹ طلبا کو انٹرن شپ دی جائے گی۔لیلیٰ خان نے کہا کہ یہ پہلی مرتبہ ہے کہ نجی شعبے کو اس سکیم میں شامل کیا گیا ہے اور منتخب کردہ انٹرنیز کو این جی اوز بنکوں اور بڑی تعمیراتی کمپنیوں میں رکھا جائے گا۔ انہوں نے یقین دلایا کہ یہ انٹرن شپ مکمل طور پر میرٹ پر فراہم کی جائے گی کیونکہ درخواستوں کی وصولی کیلئے مناسب آن لائن نظام ترتیب دیا گیا ہے ¾انٹرن شپ سکیم کیلئے درخواستیں جمع کرانے کیلئے جمعرات آخری د ن ہے۔‎