اسلام آباد (نیوز ڈیسک)جرمنی میں ایک جھیل سے آدھا کلو وزنی سونے کی اینٹ ڈھونڈنے والی لڑکی کو یہ سونا اپنے پاس رکھنے کی اجازت دے دی گئی ہے۔16 سالہ لڑکی نے یہ سونا گذشتہ برس اگست میں بویریا کے قریب جھیل ک±ونِگسی میں تیراکی کے دوران تقریباً دو میٹر کی گہرائی سے تلاش کیا تھا۔بازار میں اس سونے کی مالیت 16 ہزار یورو کے لگ بھگ ہے۔مذکورہ لڑکی نے سونے کی دریافت کے بعد اسے مقامی پولیس کے حوالے کر دیا ہے تھا جس کا اب کہا ہے کہ وہ اس کے مالک کو ڈھونڈنے میں ناکام رہی ہے۔حکام نے چھ ماہ تک تفتیش کے باوجود اصل مالک کی تلاش میں ناکامی کے بعد سونا دریافت کرنے والی لڑکی کو اس کا مالک قرار دے دیا ہے۔اب تک یہ بھی معلوم نہیں ہو سکا ہے کہ سونے کی اینٹ جھیل میں کیسے پہنچی۔جرمنی کے مقامی ذرائع ابلاغ کے مطابق سونے کی اینٹ پر موجود شناختی نمبر مسخ ہو چکا ہے تاہم سرکاری حکام اسے واپس بحال کرنے میں کامیاب ہوگئے ہیں۔سونے کی اس اینٹ کی دریافت کے بعد آسٹریا کے ساتھ جرمنی کی جنوبی سرحد کے نزدیک واقع اس جھیل میں نازیوں کے کھوئے ہوئے سونے کی موجودگی افواہیں ایک بار پھر گرم ہوگئی ہیں۔تاہم رپورٹ میں بتایا گیا ہے کہ اس سونے کا نازی زمانے سے کوئی تعلق نہیں ہے