کراچی (نیوزڈیسک) پاکستانی روپے کے مقابلے میں امریکی ڈالر کی قدر میں استحکام رہا تاہم یورپین ممالک کی اہم کرنسیوں بشمول برطانوی پاؤنڈ اور یورو کی قدروں میں تیزی ریکارڈ کی گئی۔ جمعرات کو امریکی ڈالر اپنی گذشتہ کاروباری روز کی قدر پر مستحکم رہا تاہم برطانوی پاؤنڈ اور یورو کی قدروں میں بالترتیب 1.78 روپے اور 1.85 روپے کا اضافہ ہوگیا۔ نیشنل بینک آف پاکستان سے جاری کردہ اعداد و شمار کے مطابق امریکی ڈالر گذشتہ کاروباری روز کی قیمت فروخت 105.75 روپے اور قیمت خرید 103.24 روپے برقرار رہی۔ دریں اثناء برطانوی پاؤنڈ کی قیمت فروخت 152.39 روپے سے بڑھ کر 154.17 روپے اور قیمت خرید 148.78 روپے سے بڑھ کر 150.52 روپے پر بند ہوئی۔ اسی طرح یورو کی قیمت فروخت بھی 115.40 روپے سے بڑھ کر 117.25 روپے اور قیمت خرید 112.67 روپے سے بڑھ کر 114.48 روپے ہو گئی۔