اسلام آباد (نیوز ڈیسک) زاہد حامد نے کہا ہے کہ الیکشن کمیشن نے تجرباتی طور پر الیکٹرانگ ووٹنگ مشین کے استعمال کی منظوری دیدی ، ووٹنگ مشین کی خریداری کیلئے جلد ٹینڈر جاری کئے جائیں گے ، وفاقی وزیرزاہد حامد نے یہ بات انتخابی اصلاحات کی ذیلی کمیٹی کو بتائی، کمیٹی کا اجلاس گزشتہ روز یہاں زاہد حامد کی زیر صدارت ہو ا۔انہوں نے کہاکہ اس سال ستمبر تک الیکٹرانک ووٹنگ مشینوں کی خریداری کر لی جائے گی۔ انہوں نے کہا کہ اس مشین کے استعمال سے الیکشن پر عوام کا اعتماد قائم ہو گا، اس حوالے سے انتخابی اصلاحات کمیٹی کا کام بھی اہم ہے، نئے انتخابی قوانین اور رولز سے متعلق مسودہ 2 ہفتوں تک مکمل کر لیں گے ، نادرا کے ڈیٹا بیس میں کنورٹر لگانے سے انگوٹھوں کے نشانات کی تصدیق آسان ہو گی، انہوں نے کہا کہ انتخابی اصلاحات کمیٹی نے صوبائی حکومتوں کو مجوزہ انتخابی قانون میں بلدیاتی انتخابات سے متعلق چیٹ رکی 15 فروری تک منظوری دینے کی ہدایت بھی کی ہے ہے جس کے بعد اس کام کو آگے بڑھایا جائے گا